Фестивалот се одвиваше на повеќе сцени и вклучуваше низа активности кои ја прикажаа убавината и разноликоста на јапонската култура. Посетителите имаа можност да уживаат во:
Изложби на уметнички дела
Демонстрации на боречки вештини
Балетски перформанс и концерти
Гејминг натпревари и модни ревии
Штандови за продажба и храна
Поголем дел од учесниците беа Македонци инспирирани од јапонската култура, но програмата ја збогатија и јапонски граѓани кои живеат во Скопје. Оваа меѓукултурна соработка ја нагласи универзалноста на уметноста и културата како средства за поврзување на луѓето од различни делови на светот.
Организаторите на фестивалот, здружението „Јапан.нет.мк“, истакнаа дека целта на настанот е да се покаже дека со желба и ентузијазам може да се постигне многу преку граѓанско здружување и напорна работа. Јапонската култура за нив претставува инспирација за зголемување на значењето на општествената одговорност – вредност која е високо почитувана во Јапонија.
„Работата за унапредување на општеството преку личен пример во областа на културата е она што не мотивира да организираме вакви настани,“ велат од организацијата. „Јапонската култура нè учи на одговорност, почит кон природата и посебна почит кон естетиката, и тоа се вредности кои сакаме да ги пренесеме на нашата публика.“
Фестивалот „Сакура“ не само што ја претстави јапонската култура на македонската публика, туку и ја поттикна културната размена и разбирање меѓу двете земји. Настанот ги обедини љубителите на јапонската уметност и култура, создавајќи платформа за дијалог и соработка.
Организацијата „Јапан.нет.мк“ продолжува со својата мисија да го унапредува културниот живот во земјата преку организирање настани инспирирани од јапонското чувство за одговорност и естетика. Се надеваме дека и во иднина ќе имаме можност да уживаме во вакви прекрасно организирани настани кои ја слават културата и уметноста.
