Пентагон планира да испрати дополнителни воени бродови и маринци на Блискиот Исток, изјавија двајца американски претставници за CBS.
Засилувањата ќе вклучуваат елементи од амфибиска група подготвена за десант и нејзините експедициски единици на маринци.
Групата ја предводи американскиот воен брод „Триполи“, кој моментално е распореден во Јапонија. Вообичаено, во составот на оваа група има околу 5.000 морнари и маринци распоредени на неколку воени бродови.
Испраќањето на дополнителни сили е дел од пошироките воени подготовки на САД во контекст на зголемените тензии на Блискиот Исток.
