САД и Велика Британија преговараат за билатерален трговски договор, изјави американскиот претседател Доналд Трамп на заедничка прес-конференција со британскиот премиер Кеир Стармер, изјавувајќи дека таков договор може да помогне во избегнување на американските царини.
„Ќе имаме одличен трговски договор“, рече Трамп. „Ќе завршиме со многу добар трговски договор за двете земји и работиме на тоа.“
Трамп нагласи дека обрасците на трговски договор меѓу двајцата сојузници може да бидат договорени „многу брзо“, додавајќи дека неговиот министер за финансии Скот Бесент, потпретседателот JD Vance, министерот за трговија Хауард Лутник и советникот за национална безбедност Мајк Валтц ќе учествуваат во разговорите. Тој рече дека очекува трговскиот договор да биде склучен „што е можно побрзо.“
„Мислам дека многу лесно би можеле да завршиме со вистински трговски договор каде што царините не би биле потребни. Ќе видиме“ изјави Трамп
Британската министерка за финансии Рачел Ривс изјави во средата дека е уверена дека трговијата и инвестициите меѓу САД и Британија нема да прекинат.
„Последниот пат кога претседателот Трамп беше во Белата куќа, трговските и инвестиционите текови помеѓу нашите две земји се зголемија и и верувам дека тоа може да се повтори“, изјави таа за агенцијата Ројтерес во интервју на маргините на состанокот на министрите за финансии на Групата 20 во Јужна Африка.
Велика Британија и САД работеле на преговори за слободната трговија за време на првиот мандат на Трамп, но не го завршиле тој процес.
Увозот и извозот на стоки и услуги меѓу Британија и САД изнесуваше вкупно 317 милијарди долари во 2023 година, според Американскиот биро за економска анализа, што ја прави Британија петтиот најголем трговски партнер на САД по Канада, Мексико, Кина и Германија.
САД се најголемиот поединечен трговски партнер на Британија, иако Велика Британија многу повеќе тргува со 27-членките на Европската унија како блок.
