САД со воен авион евакуираа дел од персоналот на амбасадата и членовите на нивните семејства од Израел, објави CNN. Целосна евакуација на амбасадата официјално не е наредена, и сите дипломати и нивните семејства не се обврзани да ја напуштат земјата.
Оние кои заминале, според CNN, ја искористиле дозволата за доброволно заминување издадена за време на викендот, откако судирот помеѓу Израел и Иран се заостри. CNN додава дека некои американски државјани ја напуштиле Израел и по копнен пат преку Јордан.
Портпарол на американската амбасада изјави:
„Со оглед на моменталната ситуација и како дел од статусот на овластено заминување на членовите на амбасадата, персоналот на мисијата почна да го напушта Израел на различни начини.“
Амбасадата во вторникот соопшти и дека нејзините канцеларии ќе бидат затворени до крајот на неделата.
Американскиот амбасадор во Израел, Мајк Хакаби, изјави во средата дека САД работат на организирање евакуациски летови и заминувања со крузери за Американци кои сакаат да ја напуштат земјата.
Во вторникот, портпаролката на Стејт департментот, Тами Брус, објави дека е формирана работна група која работи 24 часа дневно за да одговори на тековниот конфликт, вклучително и обезбедување поддршка за американските граѓани.
