Извршниот директор на компанијата, Мајкл О’Лири, го повтори повикот до Европската Унија да обезбеди заштита на транзитните летови преку француското воздушно пространство, како дел од долгорочната кампања за минимизирање на нарушувањата предизвикани од штрајкови.
Штрајковите на најголемиот синдикат на контролори на летови во Франција, SNCTA, ќе се одржат од 7 до 10 октомври и ќе резултираат со намалување на капацитетот во западното европско воздушно пространство. Тоа значи дека летови од Обединетото Кралство кон Франција, како и кон туристички дестинации како Шпанија, Италија и Грција, ќе бидат погодени.
„Не можеме да имаме ситуација во ЕУ каде што имаме единствен пазар, а секогаш го затвораме кога Французите штрајкуваат“, рече О’Лири. Тој додаде дека штрајковите треба да се однесуваат само на летови кон и од Франција, а не на транзитни летови.
Ryanair предупреди дека точниот број на откажувања ќе биде познат откако штрајкот ќе почне, но очекува до 600 летови дневно да бидат откажани. Компанијата веќе имала нарушувања – пред две недели беа откажани повеќе од 190 летови и над 35.000 патници беа заглавени поради штрајкови.
О’Лири предложи Eurocontrol, европската организација која управува со воздушниот сообраќај, да преземе дел од контролата за транзитните летови за време на штрајкови, со цел да се намалат прекините.
Покрај штрајковите, авиокомпаниите се соочуваат и со предизвици поради недостиг од персонал по пандемијата, технички проблеми и ограничувања во воздушниот простор, што дополнително го усложнува управувањето со летовите.
Извор: The Guardian
