„Бродот може да експлодира во секој момент“
Плауру, кое се наоѓа спроти украинскиот пристанишен град Измаил, е непосредно изложено на опасност од експлозија на горечкиот брод. „Опасноста е огромна, бродот може да експлодира во секој момент“, предупреди локалниот градоначалник Тудор Чернега за Digi24.
„Ги проверивме сите домови, ги изведовме и животните. Сообраќајот е стопиран“, додаде тој.
Според романскиот Оддел за вонредни ситуации, пожарот е последица на напад со дрон изведен на украинска територија во неделата навечер. Танкерот, натоварен со гас, бил погоден во регионот на Измаил – стратегиска украинска речна лука на самата граница со Романија.
Властите наредија евакуација на целата општина Чеаталхиој, во која живеат околу 250 жители, а на терен се испратени пожарни и екипи на брза помош.
Гореше танкер под турска знаме
Станува збор за танкерот ORINDA, кој плови под турско знаме и може да превезе до 68 милиони литри течен нафтен гас. Целата посада е евакуирана, а драматични видеа прикажуваат огромни столбови оган и густ чад што се издигаат над реката.
Руски удари на Дунав честа појава
Руските сили многупати ги таргетираат украинските речни пристаништа на Дунав, со парчиња дронови што неколку пати паднале и на романска територија.
„По рускиот напад што го оштети пловилото во регионот на Одеса, Романија мораше да го евакуира своето погранично село“, изјави украинскиот министер за надворешни работи Андриј Сибига.
Тој додаде дека ова е „брутална ескалација на рускиот терор“ која не ја загрозува само Украина, туку и соседните земји, и повика на зголемен меѓународен притисок Москва да го прекине војувањето.
Портпаролот на НАТО одби да го коментира инцидентот.
Извор: Index.hr
