„Родот и градот“ е серија на настани низ кои ќе се разгледуваат различните аспекти на родовата еднаквост – пред сѐ културни и општествени, како таа се разбира меѓу поединците и колективите, но и предизвиците со кои се соочуваме при нејзиното спроведување.
Првиот разговор што ќе се одржи на на 24-ти октомври во четврток, во 19:00 часот, во КОТУР, е инспириран од потребата да иницираме нијансирана дискусија помеѓу мажите за родовата еднаквост, нешто што не го гледаме често во јавноста, а носи наслов „Машкиот поглед на родовата еднаквост“.
Разговорот ќе го модерира Ирена Цветковиќ, а како панелисти свое излагање ќе имаат: Бобан Карапејовски, Никола Гелевски, Ѕвездан Георгиевски.
Проектот е кофинансиран од Kvinna till Kvinna и UK International Development.
