Улиците на Davos се претворија во жива технолошка сцена откако група роботи дефилираа низ градот за време на Светскиот економски форум, привлекувајќи внимание кај посетителите од сите возрасти.
Роботската парада се одржа во рамки на тековните активности поврзани со форумот и послужи како најава за новиот Davos Tech Summit, технолошки самит што за првпат ќе се одржи во Давос во почетокот на јули.
Настанот, под наслов „Touching Intelligence“, ќе ги обедини лидерите од индустријата, науката и политиката со цел да се отвори дебата за тоа како напредните роботи и системи со вештачка интелигенција комуницираат со физичкиот свет и како тие технологии ќе влијаат врз идните општества.
Организаторите посочуваат дека целта е Давос, покрај економски и политички, да се позиционира и како простор за јавна демонстрација на новите технолошки достигнувања, каде што иднината на роботиката и интелигентните системи станува видлива и допирлива за пошироката јавност.
