Американскиот актер Ричард Гир, кој неодамна се пресели во Шпанија, следниот месец ќе ја прими меѓународната награда на најважното доделување на филмски признанија во земјата, признанијата на Гоја, соопшти во четврток шпанската филмска академија.
Актерот ќе ја прими Меѓународната награда на свеченоста во Гранада, која ќе биде емитувана на националната телевизија на 8 февруари, се наведува во соопштението.
Академијата го пофали Гир за неговиот „извонреден придонес во филмската уметност, играјќи во некои од најлегендарните филмови во историјата на кинематографијата“.
Ричард Гир (75) и неговата сопруга, Шпанката Алехандра Силва (41), се преселија во Мадрид минатата година со своите два сина.
