Револуционерната вакцина против рак ги таргетира сите цврсти тумори, како што се меланом, тројно негативен рак на дојка, рак на белите дробови и рак на јајниците, предизвикувајќи моќен имунолошки одговор.
Вакцините за лекување на рак се во развој од 2010 година, кога првата беше одобрена за рак на простата, а потоа втората во 2015 година за меланом. Иако многу терапевтски (превентивни) вакцини за рак, од тогаш се истражени сепак, ниту една не е одобрена. Главниот предизвик во нивниот развој е идентификацијата на туморските антигени кои се доволно различни од нормалните клетки за да предизвикаат силен имунолошки одговор.
Ја намалува веројатноста за повторување на туморот
Истражувачите од Универзитетот Тафтс создадоа вакцина против рак дизајнирана за да ја подобри способноста на имунолошкиот систем да го препознае туморскиот антиген. Овој пристап генерира силен имунолошки одговор и воспоставува долгорочна имунолошка меморија, намалувајќи ја веројатноста за повторување на туморот.
Новата вакцина против рак користи мешавина од протеини од цврсти тумори
За разлика од традиционалните вакцини за рак кои таргетираат специфични антигени, оваа нова вакцина користи лизат – мешавина од протеински фрагменти добиени од кој било цврст тумор – со што се елиминира потребата да се идентификува единствен тумор специфичен антиген.
Пристап во два чекора за зајакнување на имунолошкиот одговор
Оваа вакцина покажала ефикасност во лекувањето на повеќе цврсти тумори, вклучувајќи меланом, тројно-негативен карцином на дојка, рак на белите дробови и неоперабилен рак на јајници, кај животински модели. Новиот пристап на вакцина вклучува користење на AHPC молекули кои му помагаат на имунолошкиот систем да ги препознае и нападне клетките на туморот. За разлика од традиционалните вакцини, кои се превентивни, вакцините за рак се терапевтски и се насочени кон постоечките тумори. Истражувачите користеле пристап во два чекора за да ја зголемат ефикасноста на вакцината, вклучително и модифицирање на туморските протеини и нивно пакување во липидни везикули, кои стимулираат имунолошки одговор.
Се надеваме на подобрени третмани и долгорочна превенција од повторување на ракот
Тестирана на различни видови тумори, вакцината предизвика силен имунолошки одговор, што дава надеж за можност за подобрување на третманот и долгорочна превенција од повторување на ракот. Исто така, тестовите на животни покажаа силен одговор на Т-клетките, што може да помогне да се намали растот на туморот и метастазите.
