Научниците објавија пробив што може целосно да го промени третманот на срцев удар (инфаркт на миокардот) – состојба која е меѓу водечките причини за смртност во светот. Истражување објавено во престижното списание Science покажува дека една инјекција со т.н. самореплицирачка РНК (saRNA) може да го „програмира“ телото само да го обновува оштетеното срцево ткиво.
Тимот предводен од Ke Cheng од Columbia University успеал кај животински модели (глувци и свињи) да поттикне регенерација на срцевите клетки – нешто што досега се сметаше за речиси невозможно.
Како функционира?
По инјекцијата во мускул (на пример во ногата), телото почнува да произведува претходник на хормонот ANP, кој преку крвотокот стигнува до срцето и го активира процесот на обновување на ткивото.
За разлика од класичната mRNA, saRNA делува подолго, создава повеќе протеини има посилен терапевтски ефект.
Зошто ова е важно?
По инфаркт, оштетеното срцево ткиво најчесто се заменува со „лузна“ која не функционира. Ова води до хронична слабост на срцето. Новиот пристап нуди можност за вистинска регенерација, а не само ублажување на последиците.
Сепак, важно е да се нагласи:
Методата сè уште не е тестирана кај луѓе. Потребни се клинички испитувања за да се утврдат безбедноста, дозирањето и долгорочните ефекти. Ако резултатите се потврдат, оваа терапија би можела да означи почеток на нова ера во лекувањето на срцеви заболувања.
