За Дуке Бојаџиев, гостинот на Дениз во оваа епизода на ReTРН time, не треба посебно претставување. Тој е макеоднски музичар од светска класа, со многу издадени албуми и уште повеќе соработки со значајни уметници.
На денот на објавувањето на добитниците на Оскарите за оваа година, потсетуваме дека, Дуке соработувал со повеќе автори кои имале номинации за Оскар, како: Џонатан Дем, Тамара Котевска, Столе Попов, Данис Tановиќ…
Иако, сите очекувале да стане лекар, Дуке, прави остро свртување кон музиката и станува одличен музичар, кој првите композиции ги пишува уште на десет годишна возраст.
По подолгиот престој во Њујорк, сега живее и работи во Лисабон, но за свој дом ја смета целата планета Земја, а јазик кој го користи се тоновите на на неговото пијано.
