Метеоритот кој во јануари падна на Земјата во близина на Берлин е стар околу 4,5 милијарди години и припаѓа на ретката класа аубрити, објавија научниците во магазинот „Meteoritics & Planetary Science“.
Малиот астероид 2024BX1 изгоре на 21 јануари во атмосферата во близина на Берлин во спектакуларна небесна претстава. Фрагменти паднаа на тлото во покраината Бранденбург покрај германскиот главен град, каде што беа собрани од научниците и колекционерите.
Околу 202 фрагменти со вкупна тежина од 1,8 килограми се пронајдени во полињата. Научниците метеоритот го нарекле Рибек по селото каде што е најден првиот фрагмент.
Студијата ја спроведуваа истражувачите од Институтот за планетологија во Универзитетот во Минстер. Според нив Рибек припаѓа на ретката класа аубрити кои се богати со магнезиум и силициум.
Истражувачката група претпоставува дека матичното тело на Рибек е старо околу 4,5 милијарди години и дека потекнува од астероидниот појас помеѓу Марс и Јупитер.
Научниците исто така објавија дека остатоците имале сирен мирис на сулфур, поради хемиската реакција помеѓу минералите и влагата.
Извор: ХРТ
