Податоците покажуваат дека во последните шест месеци, британската фунта скокна на највисокото ниво.
Вредноста на американскиот долар, мерена со индексот на доларот (DXY), падна на најниско ниво за шест месеци, бидејќи американскиот претседател Доналд Трамп воведе реципрочни царини на повеќе од 180 земји и територии ширум светот, вклучувајќи царина од 20 отсто за стоки увезени од Европската унија и царина од 10 отсто за стоки од Обединетото Кралство.
Администрацијата на Трамп, која го прогласи 2 април за „Ден на ослободувањето“, воведе и царини од 25 отсто на увозот на сите автомобили од странско производство, објавија медиумите.
Според податоците на веб-страницата Маркетвоч, вредноста на индексот на доларот (DXY), кој ја следи јачината на доларот во однос на другите големи светски валути, денеска во 10:45 часот изнесуваше 102,35.
Спротивно на тоа, еврото порасна за еден процент во однос на американскиот долар, а европската валута сега се тргува за 1,1 долар, што е највисоко од октомври 2024 година. Британската фунта, исто така, скокна и сега се тргува на 1,3 долари, највисоко ниво во последните шест месеци, покажаа податоците на пазарот.
