Околу 68.000 работни места во Италија се загрозени поради царините што ги воведе американскиот претседател Доналд Трамп, објави денес италијанската парламентарна канцеларија за буџет (UPB).
Како што објави италијанската новинска агенција АНСА, канцеларијата предупреди дека целата италијанска економија може да биде загрозена од негативни последици поради овие трговски мерки.
Според плановите на Трамп, Италија, која има голем трговски суфицит со САД, ќе биде предмет на општа царина од 20 проценти, заедно со другите земји од Европската Унија.
