Земјите на ЕУ ја одложија одлуката за целите за 2040 од средбата на министри оваа недела и ја префрлија на самитот на лидери во октомври, но сѐ уште се наоѓаат во конфликт околу клучните цели за 2035 кои треба да бидат утврдени пред COP30 што ќе се одржи во Бразил во ноември.
Министрите за животна средина, кои треба да се состанат в четврток (18 септември) во Брисел, разговараат за националните таргети за емисија на стакленички гасови за 2035 — цели кои мора да се донесат на ниво на ЕУ пред климатскиот самит COP30.
Контроверзната 2040 цел за климата што Данското претседателство на ЕУ првично планираше да ја усвои во четврток, е веќе поместена како точка за дискусија откако некои земји побарале повеќе време за разгледување.
Но, според белешката, земјите се поделија на помалку и повеќе амбициозни групи кога станува збор за целите за 2035, познати како Национални одредени придонеси (NDCs), кои ќе се дискутираат на Генералното собрание на ООН (UNGA) следната недела — каде светските лидери ќе ја проценат климатската акција пред COP30.
„Помалку климатски амбициозни“ земји на ЕУ сакаат намалување „блиску до 66% од емисиите на стакленички гасови“ и таа цел да се следи по константен (линеарен) пат помеѓу 2030 и 2050.
За „повеќе амбициозните“ земји, пристапот е да се даде „индикативна изјава“ пред UNGA, кој почнува на 23 септември, со јасно амбициозна цел за 2035 „помѓу 66% и 72,5%“, во рамки на патот од целта за 2030 и предложената цел за 90% намалување до 2040.
