Врнежите од дожд во изминатите 24 часа на подрачјето на општините Јабланица, Коњиќ, Кисељак, Фојница и Крешево предизвикаа големи проблеми кај жителите од тие општини во Босна и Херцеговина. Поради големите порои и одрони, загрозено е големо население, со информации дека има жртви како и голем број повредени и исчезнати лица, соопшти Федералната управа за цивилна заштита.
„Најтешка е состојбата, според информациите од теренот, во Јабланица и околните места (Бутуровиќ Поље, Острожац, Челебиќи) каде има голем број одрони по куќи, свлечишта на патишта и поплавување на куќи“, соопштија од Цивилната заштита.
Buturović polje spasioci Bosna pic.twitter.com/mAxfTLxHbT
— Милорад (@Milorad35927974) October 4, 2024
Според официјалните податоци во Јабланица има најмалку 16 загинати. Полицијата соопшти дека во Фојница е пронајдено тело на жена, а Н1 Сараево неофицијално дознава дека на ова место е пронајдено тело на уште едно лице. Вкупниот број на жртви засега според Н1 Сараево е 19.
Според неофицијални информации од теренот на подрачјето на Доња Јабланица, 40 лица се водат како исчезнати, пренесе Б92.
Во подрачјата погодени од овие непогоди се формираат спасувачки групи кои со помош на механизација ја започнуваат акцијата на пронаоѓање и спасување на настраданите.
Bosna Hersek'te etkili olan şiddetli ve aşırı #yağmur'la birlikte Jablanica, Konjic, Fojnica ve Kresevo'da ölümcül sellere neden oldu;
— Mustafa Doğan (@mr__dgn) October 4, 2024
Taşan nehirlerle oluşan Sel felaketinde hayatını kaybedenlerin sayısı 15'i buldu ve çok sayıda kayıp olduğu haberleri bölgeden geliyor.
Allah… pic.twitter.com/d8qzwgWhgh
Претседателството на Босна и Херцеговина одржа вонредни седници на кои беа донесени одлуки за распределба на ресурсите на вооружените сили на Босна и Херцеговина во поширокото подрачје на Мостар и Коњиќ.
Со тие одлуки е одобрено ангажирање на инженерски единици, спасувачки единици и хеликоптери на вооружените сили на Босна и Херцеговина, со цел да се обезбеди итна помош на цивилните власти за одговор на природни катастрофи.
