Фестивалот на креативен документарен филм „МакеДокс“ објави повик за работилница за монтажа – „Барање на слоеви со Џеспер Осмунд и Туе Стен Милер“ која ќе се одржува од 18 до 20 август за време на фестивалот „МакеДокс“.
„Работилницата е наменета за 4 избрани режисери или тимови со проект во фаза на монтажа. На работилницата ќе се фокусираме на идентификување на различни слоеви во филмот, со цел да ви помогнеме да добиете подлабоко разбирање на внатрешната приказна, да ги обликувате приказните и да развиете посилни емоционални лакови“, велат од Фестивалот.
На повикот може да се пријават сите заинтересирани режисери со долгометражни креативни документарни филмови продуцирани, копродуцирани или снимени во балканскиот регион, односно во Грција, Албанија, Бугарија, Северна Македонија, Србија, Косово, Црна Гора, Хрватска, Босна и Херцеговина, Словенија, Романија и Турција.
За апликација потребно е да се достави синопсис и третман, вклучувајќи размислувања за наративниот пристап на филмот
(максимум една цела страница) и линк до прва груба верзија (rough cut) или одбран измонтиран материјали од минимум 45’ со
англиски превод и титли. Аплицирањето може да се направи со пополнување на овој формулар.
Директорот/ите на проектот треба да бидат присутни во Скопје за време на работилницата. Доколку е вклучен монтажер, тој исто така треба да присуствува на работилницата.
Работилницата е бесплатна. Учесниците треба да ги покријат трошоците за патување и сместување, а Фестивалот ќе се обезбеди бесплатна фестивалска акредитација и ручек.
Рокот за пријавување е најдоцна до 15 јули 2023 година. Пред фестивалот, соопштуваат од „МакеДокс“, ќе се одржи онлајн групна сесија на 14 август.
Џеспер Осмунд е дански филмски монтажер, наративен консултант и учител. Кариерата ја започнал во фикција и има монтирано неколку дански играни и кратки филмови, кога одеднаш добил понуда да монтира документарец. Тоа му станало откровение, како што вели самиот: „Да се уредува без сценарио“, а потоа решил целосно да се фокусира на меѓународни документарни филмови. До денес има измонтирано над 100 филмови и многу од нив премиерно се прикажувале на водечки филмски фестивали.Туе Стен Милер е документарен консултант и критичар од Данска. Работел со документарни филмови повеќе од 20 години во Данскиот филмски одбор, како офицер за печат, претставник на фестивалот и филмски консултант/комесар. Предава во документарното училиште Зелиг во Болзано, Италија. И пишува критики за www.filmkommentaren.dk
