Во рамки на Филозофскиот филмски фестивал, ќе се одржи работилница за млади на тема „Бренд и идентитет“, која ќе се реализира на 4 април (петок) во 12:00 часот, во просториите на Кинотеката на Северна Македонија во Скопје.
Работилницата ќе ја води м-р Стефан Палитов, кој ќе сподели практични знаења и искуства за тоа како се гради успешен бренд, како се развива визуелен идентитет и како ефективно се комуницира со публика.
Настанот е наменет за млади луѓе, студенти, креативци и сите заинтересирани, кои сакаат да стекнат нови вештини и да научат како да го развијат својот личен или професионален идентитет во современото општество.
Работилницата ќе има интерактивен карактер, што значи дека учесниците ќе можат активно да се вклучат, да поставуваат прашања и да работат на конкретни идеи и примери.
Овој настан претставува одлична можност за сите што сакаат да се развиваат во креативните индустрии, но и за оние што сакаат подобро да се позиционираат во дигиталниот свет.
