Дури и најмалата количина храна или течност која не треба да заврши во одводот може да предизвика наслаги, забавено истекување на водата, непријатна миризба или сериозни оштетувања на цевките.
Многумина не се свесни за последиците – овие намирници делуваат безопасно, но во комбинација со вода создаваат блокади кои понекогаш може да ги отстрани само водоинсталатер.
Талог од кафе – најголемиот непријател на одводот
По испиена кафа, многумина го фрлаат талогот во мијалникот, не размислувајќи дека ситните честички се таложат, формираат грутки и со време ја блокираат цевката.
Наместо во одвод, фрлете го во ѓубре или искористете го како природно ѓубриво во градината.
Масло – тивок уништувач на цевките
Маслото и маста по ладењето се стврднуваат и се лепат на ѕидовите на цевките. Дури и мала количина може да создаде долгогодишен проблем. Избришете го вишокот со хартија или соберете го во посебен сад и фрлете го во отпад.
Брашно, ориз, тестенини – леплива замка
Брашно, ориз, тестенини и овесни снегулки во допир со вода набубруваат и создаваат густ, леплив слој што брзо ги затнува цевките.
Пред миење на садовите, отстранете ги остатоците со хартија и фрлете ги во корпата.
Лушпи од јајца, коски и семки – тврд отпад што блокира сè
Овие остатоци имаат тврдни и остри рабови и многу лесно се заглавуваат во цевките.
Семките дополнително набубруваат во контакт со вода, што го прави проблемот уште поголем.
Овој отпад секогаш треба да заврши во класичната канта за отпадоци.
