Корисничката на TikTok, Леа која е експерт за подароци, наведува неколку работи кои никогаш не треба да ги подарувате.
Кога избирате роденденски подарок, треба исклучително добро да го знаете примачот: што сака, што не сака, што би сакале да имаат и на што никогаш не би потрошиле пари, но би ценеле ако некој им подари.
Парфем
Парфемите и колонските води се скапи – и многумина уживаат да пробуваат нови мириси. Меѓутоа, кога некому ќе му подарите парфем за роденден, голема е веројатноста дека нема да му се допадне.
„Сите имаме различни преференци. Подобро е да купите нешто што знаете дека веќе славеникот го користи“, вели Леа.
Членство во теретана
Само затоа што можеби сакате членство во ново студио за пилатес не значи дека вашиот пријател или член на семејството ќе бидат среќни поради тоа.
„Таквиот подарок може да изгледа како тивок начин да поттикнете некого да вежба повеќе, а со тоа можете да повредите нечии чувства“, предупредува Леа.
Предмети кои го менуваат физичкиот изглед
Многу работи спаѓаат под ова. Тоа се, на пример, ленти за избелување на забите, само-потемувачи, бои за коса.
Средства за хигиена
Исто е и со средствата за хигиена; освен ако навистина сакате да инсинуирате дека на вашиот пријател не му е грижа.
„Тука спаѓаат работи како дезодоранси, средства за миење уста и паста за заби“, вели Леа.
Таа забележува дека, се разбира, ова не ги вклучува фенси лосионите, сунѓери, лакови за нокти или купки за телото.
Извор: novi.ba
