Истражувањата засновани на податоци од долгорочни студии кои го следат здравјето на популацијата, покажуваат дека просечно пушачите губат 20 минути од животот за секоја цигара, без разлика на полот.
Стручњаците од Универзитетскиот колеџ во Лондон нагласуваат дека штетата од пушењето е “кумулативна”, што значи дека што побрзо некој престане да пуши и што повеќе цигари избегнува, толку подолго ќе живее.
Нова анализа наречена од британското Министерство за здравство и социјална заштита, покажува дека ако пушач кој пуши 10 цигари дневно престане да пуши на 1 јануари, до 8 јануари може да „спаси еден цел ден живот“. До 20 февруари, животот може да им се продолжи за цела недела, а ако престанат да пушат до 5 август, веројатно ќе живеат еден месец подолго отколку ако продолжат со оваа лоша навика.
Исто така, авторите додаваат: „Истражувањата сугерираат дека пушачите обично губат ист број на здрави години колку што губат и целокупни години на живот. Тоа значи дека 60-годишен пушач ќе има здравствен профил на 70-годишен не пушач“.
На крајот, оваа анализа, која ќе биде објавена во Journal of Addiction, заклучува: „Прогнозирано е дека пушачите во Велика Британија кои не престануваат да пушат губат околу 20 минути животен век за секоја цигара“.
Стручњаците посочуваат дека престанокот на пушењето во било кој период од животот е корисен, но што побрзо пушачите ќе се откажат од оваа смртоносна навика, толку подолго и поздраво ќе живеат.
