Полицијата приведе еден осомничен, а местото на настанот е обезбедено, пренесува CNN.
Метрополитен-полицијата на Вашингтон на социјалната мрежа Х објави дека ситуацијата е под контрола и дека осомничениот е во притвор. На граѓаните им беше препорачано да го избегнуваат подрачјето. Причините кои довеле до пукањето сè уште не се познати, а Националната гарда засега не издава официјална изјава.
Од Белата куќа соопштија дека за инцидентот бил информиран претседателот Доналд Трамп. „Белата куќа е запознаена и активно ја следи оваа трагична ситуација,“ изјави неговата портпаролка Керолајн Левит, додавајќи дека „претседателот е известен“.
Припадници на Националната гарда од повеќе сојузни држави веќе со месеци се распоредени во Вашингтон како дел од операцијата што ја покрена претседателот Трамп за сузбивање на криминалот во главниот град — операција која подоцна беше проширена и во други американски градови.
Извор: Index.hr
