Попладнето, во Будва имало пукање од огнено оружје, а според неофицијалните информации на подгоричкиот портал Борба, едно лице е убиено.
Полицијата не ја потврди оваа информација, а порталот пишува дека на местото на настанот има голем број полицајци, и дека градот е под блокада.
Полицијата ги контролира приодите кон Будва, додека во тек е интензивна потрага и истрага. Итните служби брзо реагирале, но според достапните информации, повредите на ранетиот маж биле фатални.
Мотивот за пукањето и идентитетот на учесниците засега се непознати.
Полициската администрација објави дека телото на С. М. од Будва е пронајдено во селото Марковиќи.
Се наведува дека полицијата презема сите пропишани мерки и дејствија за да ги утврди сите околности под кои настапила смртта на ова лице.
Тие исто така изјавија дека јавноста ќе биде известена кога ќе се соберат повеќе информации за овој случај.
