Дел од американските медиуми јавуваат за повеќе жртви, но засега не е потврдено дали има загинати.
Полицијата соопшти дека во инцидентот биле застрелани повеќе лица и дека истрагата е во тек.
„Повеќе лица се застрелани во подрачјето околу Универзитетот Браун. Истрагата е во тек. Ги повикуваме граѓаните да останат на безбедно место или да го избегнуваат ова подрачје до понатамошно известување“, соопшти полицијата.
Надлежните служби продолжуваат со потрагата по осомничениот, а безбедносните мерки во и околу универзитетскиот кампус се засилени. Засега нема официјални информации за состојбата на ранетите, ниту за мотивите за нападот.
Извор: Index.hr
