Мајката на напаѓачот, кој уби два ученика и рани 17 други во црквата Благовештение во католичката школа во Минеаполис, била вработена во училиштто, соопшти полицијата.
Иако мотивот на Робин Вестман (23) за масакрот сеуште се испитуваат, соопштено е дека мајкатана осомничениот Мери Грејс Вестман, работела во училиштетот, но не е наведено на која позиција била вработена.
На сајтот на црквата од 2021 година е наведено дека кај нив работела пет години, пред наводно да се пензионира.
Две деца се убиени а 20 повредени во денешниот вооружен напад во католичко училиште во јужниот дел на американскиот град Минеаполис, соопшти американското Министерство за правда.
Меѓу загинатите е и напаѓачот, прецизираа властите.
Инцидентот се случи само два дена по почетокот на учебната година во Благовештенското католичко училиште – приватно основно училиште со околу 395 ученици, поврзано со Благовештенската католичка црква. Двете институции се наоѓаат во густо населен дел на најголемиот град во Минесота.
Полицијата од соседното предградие Ричфилд извести дека на местото бил забележан маж целосно облечен во црно, вооружен со пушка. Нападот го изврши за време на утринската литургија на која присуствувале децата.
Локалните телевизии емитуваа снимки на вознемирени родители кои се пробиваат низ полициската лента околу училиштето за да ги изведат своите деца.
Американскиот претседател Доналд Трамп изјави дека е информиран за нападот и дека на самото место се испратени агенти на ФБИ. Министерството за внатрешна безбедност е во постојан контакт со локалните власти и ја следи состојбата, соопшти министерката Кристи Ноем.
Официјалните лица информираа дека во Минеаполис и претходниот ден биле регистрирани уште три вооружени инциденти во кои загинале три, а седум лица биле повредени.
