Концертот ќе се одржи во четврток, со почеток во 21 часот, а билетите се достапни преку продажната мрежа на drugastrana.mk.
Дуото е познато по својата смела уметничка изразност, која ја спојува музиката со визуелната уметност, рапот и елементите на комедија. Нивните текстови често обработуваат табу и контроверзни теми, оставајќи силен впечаток врз новата генерација.
Donplaya, мултидисциплинарен уметник, стои зад албумот makeDON, ЕП-то Donplejada и бројни култни синглови. Од друга страна, Prince$$ Donatsu направи бранување со синглот Битола, кој се втемели како современ трап евергрин и силен глас на женскиот музички активизам во земјава.
Настанот претставува кулминација на независната и андерграунд сцена што ПМГ Рекордингс ја негува повеќе од една деценија.
