Папата Лав XIV денес тргнал на своето прво патување надвор од Ватикан и се упатил во малото италијанско градче Џеначано, на околу еден час возење од Рим, за да ја посети црквата на Богородица.
Новиот папа пристигнал на неанонимирана посета, но бил дочекан со овации од страна на собраната маса пред црквата, пренесува Ројтерс.
Поранешниот американски кардинал Роберт Превост беше избран за папа на 8 мај. Папа Лав XIV е член на августинскиот верски ред кој ја управува светињата во Џеначано.
Папа Франциско, кој почина на 21 април, често изведуваше изненадни посети на католичките храмови во близина на Рим. Беше особено приврзан за Базиликата на Света Марија Велика во Рим, каде избра да биде погребан.
Ватиканскиот државен секретаријат денес го објави грбот на понтификатот на новоизбраниот папа Лав XIV. Покрај тоа, Ватикан го претстави и официјалниот потпис на новиот папа.
Информацијата беше објавена на налозите на Ватикан и Државниот секретаријат на социјалната мрежа Икс.
Лав XIV денес ја одржа својата прва средба со кардиналите на црквата, при што порача дека ќе ја продолжи визијата и реформите на неодамна починатиот папа Франциско.
