Триесет и шестгодишна жена, родена само со една срцева комора, родила близнаци во римската универзитетска болница Гемели, што е прв таков случај во Италија, пишува во средата италијанската новинска агенција АНСА.
Нејзиниот случај е прв во Италија и само еден од четирите во светот.
Пораѓањето било можно поради решителноста на жената и напорите на специјалистите од римската педијатриска болница кои ја чувале уште од детството со вродени срцеви заболувања и персоналот на болницата Гемели каде се породила царски рез. Мајката и близнаците, момче и девојче се добро.
„Знаев дека многу ризикувам со моето половично срце, но сакав да станам мајка. Раѓањето близнаци е чувство кое не се опишува со зборови“, изјавила таа.
Извор: index.hr
