Пораката на Имамоглу:
„Од затворот во Силиврија сакам да споделам вест која ме направи многу среќен.
На партиските избори за претседателски кандидат во Републиканската народна партија имаше рекордна излезност.
Гласаа 15 милиони наши сограѓани. Десетици милиони луѓе во оваа земја, повредени од тиранијата на власта, уништената економија, нефункционалната меритократија и беззаконието, се упатија кон гласачките места.
Тие му порачаа „доста е!“ на Ердоган.
Ги поздравувам милионите кои вечерва извикуваа во Сарачане и на плоштадите низ целата земја.
Овие гласачки кутии ќе бидат поставени и народот ќе му удри незаборавен шамар на овој режим.“
Градоначалникот на Анкара, Манцур Јаваш, по затворањето на гласачките места во CHP во 19:00 часот, изјави дека околу 20 милиони луѓе гласале во поддршка на кандидатурата на Имамоглу за претседател.
„Околу 20 милиони граѓани отидоа на гласање иако не беа обврзани да го сторат тоа. Времето за предвремени избори веќе помина,“ изјави Јаваш.
Тој додаде дека ако овие настани не се случеа, можеби немаше да има толку масовна излезност. „Кога правите нешто незаконско, реакцијата е огромна. Со предвремените избори, се надеваме дека ќе дадеме пример за Турција. Бидејќи да го сопираш својот противник не е демократија.“
Опозицијата организираше нов протест во Истанбул.
Имамоглу ги повика граѓаните масовно да излезат на демонстрации низ целата земја против неговиот притвор. Во објава на платформата X тој го нарече овој процес „целосна вонсудска егзекуција“, која претставува „предавство кон Турција“.
Лидерот на CHP, Озгур Озел, ги повика граѓаните да бојкотираат производи што се рекламираат во провладините медиуми.
„Се обраќам на сите што гледаат телевизија и ги поддржуваат претседателот Екрем. Јасно е од каде се финансираат партиските медиуми. Но, централните медиуми добиваат 50% од своите приходи од реклами на производи што ги купуваме ние. Тие ни ги продаваат производите, а му служат на режимот,“ рече Озел.
Тој најави дека еден по еден ќе ги објавува имињата на брендовите кои ја игнорираат ситуацијата. „Бојкотирајте ги оние кои го игнорираат овој плоштад. Добрите денови завршија. Или ќе не видите, или ќе пропаднете.“
