Авионот на „Вирџин Галактик“ ги однесе своите први вселенски туристи на долго одлложуваното патување до вселената. На летот беа поранешен британски олимпиец кој го купил својот билет пред 18 години и мајка и ќерка од Карибите.
Летот до работ на вселената полета од Вселенскиот центар Америка во пустината Ново Мексико.
Ракетата Јунити на првата етапа од своето патување ја носеше млазен авион по име Ева. Во еден момент Јунити, откако го запалила моторот, се одвоила и отпатувала на надморска височина од 85 километри.
По одвојувањето, патниците во ракетата уживале во необичен поглед на земјата. Тие исто така уживаа во бестежинска состојба, а леталото потоа се сврте и се упати кон земјата.
Патниците можеа да уживаат околу пет минути на работ на вселената пред леталото да се заврти и безбедно да слета назад во Ново Мексико.
Ова е првиот туристички, но втор комерцијален лет на Virgin Galactic. Компанијата на Ричард Бренсон планира да им понуди месечни патувања на клиентите со својот вселенски авион со крила, придружувајќи им се на Blue Origin на Џеф Безос и SpaceX на Илон Маск во бизнисот со вселенски туризам.
Мисијата, наречена Galactic 02, е втор комерцијален лет на Virgin Galactic во вселената и прв со клиенти кои плаќаат. Огласената цена беше 450.000 долари.
Мисијата Galatic 01 беше извршена во јуни и достигна височина од 85 километри.
Освен поранешниот олимпиец Џон Гудвин, на овој втор лет беа и Анастасија Мајерс и нејзината мајка Киша Шахаф, кои го добија летот на лотарија.
Извор: N1
