Алармот наречен лето почна да ѕвони и време е полека да го подготвите телото за на плажа. Започнете со план за вежбање кој ќе ви помогне да изгубите 4-6 килограми за еден месец, да го тонирате телото и да се чувствувате поубаво и поенергично. Сепак, како и кај секоја фитнес програма, резултатите нема да бидат видливи доколку не ја коригирате исхраната, вели фитнес тренерот и мастер проф. спорт и физичко образование Милан Зариќ.
„Редовното вежбање значи „потење“ три пати неделно по еден час, додека корекција на исхрана значи, пред се, без доцни оброци и едноставни шеќери, или слатки. Треба да воведете 4-5 помали, здрави оброци на база на риба или пилешко и сезонски зеленчук, особено зелен. Овошјето е дозволено, но не попладне“, објаснува тренерот.
Ниту една количина на вежбање нема да ви помогне ако јадете нездрава храна
За вежбањето да биде ефективно, треба да се воведат таканаречени сложени вежби кои истовремено вклучуваат поголеми мускулни групи. Петте вежби што не треба да ги прескокнете се:
Чучневи: Многумина го нарекуваат „неговото величество“, и воопшто не претеруваат, одлична вежба која ги зафаќа мускулите на нозете и глутеалната област. Согорува голема количина на енергија, што е особено корисно за слабеење.
Исчекор: Друга вежба која ги зафаќа целата нога и глутеалните мускули. Постојат многу варијации на оваа вежба, но нема да погрешите со ниту една од нив.
Склекови: Жените најчесто мислат дека тоа е „машка“ вежба, но сепак сакаат да имаат убави и затегнати раце, особено трицепс. За почеток, можете да направите полесна верзија на вежбата каде што сте потпрени на колена.
Стомачни: Ако има една вежба на врвот на листата како најважна, тоа се стомачните. На почетокот на секој тренинг, одвојте најмалку 10 минути за стомачни.
Тренинг со тегови: Не бегајте од тегови – стравот дека ќе изгледате како маж ако вежбате со тегови е неоснован. За тегови, изберете тежина од 1-5 килограми за машини, оптоварувањето може да биде уште поголемо.
Горенаведените вежби се анаеробни, што значи дека се вежби за сила. Заедно со нив, треба да вклучите и аеробна (кардио) активност за време на секој тренинг. Можете да изберете помеѓу трчање, брзо одење, возење велосипед, возење ролери, пливање, качување по скали, скокање со јаже… – предлага тренерот.
Разликата помеѓу овие два вида активност е во тоа што аеробното согорува маснотии за време на тренингот, а анаеробното согорува масти потоа, т.е. имаат задоцнет ефект.
По еден месец редовно вежбање ќе ви се зголеми тонусот на мускулите (затегнатоста), ќе се намалат масни наслаги на половината, обемот на нозете, а веројатно и задникот, ќе ви се зголеми кондицијата, ќе бидете порасположени и ќе испуштите негативна енергија. Доволно е да одвоите само 12 часа месечно – што е само половина ден, и ќе бидете убави, здрави и среќни.
