На овогодишното доделување на наградите The World’s 50 Best Bars, одржано на 8 октомври во Хонг Конг, најдобар бар на светот прогласен е Leone, локал сместен во овој град. Ова е прв пат бар од Азија да го заземе првото место на ова престижно рангирање.
Leone беше отворен во 2023 година и го води италијанскиот бармен Лоренцо Антинори. Од самиот почеток, барот е замислен како квартовски бар со акцент на едноставност, прецизност и коктели кои се достапни, но внимателно подготвени, познати како cocktail popolari. Минатата година Leone беше втор на светот, а сега е на врвот.
Едноставност како дел од идентитетот
Како што нагласува Антинори, овој пристап нема да се менува, бидејќи едноставноста е составен дел од идентитетот на локалот. Во образложението на наградата, организаторите истакнуваат дека во конкурентна средина како што е Хонг Конг, беше потребна храброст за оваквиот непосреден, гостопримлив концепт.
Leone е уреден како старински италијански квартовски бар, инспириран од дневната соба на бабата на Антинори и римскиот кварт Трастевере, што претставува почит кон семејната традиција и спомените на родниот Рим. Само неколку месеци пред да го освои светскиот титул, Leone беше прогласен за најдобар бар во Азија за втора година по ред.
Leone не прима резервации, а рецептите за нивните коктели се јавни, бидејќи сакаат да бидат разбрани и, по можност, да се направат и дома. На менито се и едноставни италијански закуски, како фокачија со мортадела.
Мал простор, сериозен бар
На нивната веб-страница пишува дека просторот е „мала просторија со голема атмосфера“, со околу 40 седишта и скриена кутна клупа зад баршунот, каде барот е сериозен, а услугата топла и лична, а целиот простор „живее преку ден и ноќ“ – преку ден се сервира брз и конкретен ручек, а навечер јадењата доаѓаат со вино, шампањ или коктел, по темпо кое го одредуваат гостите.
Концептот е поделен на дневен и вечерен дел. Во текот на денот се нудат бургери, салати и помфрит, а навечер менито се насочува кон помали јела за делување – јадења како туна тартар во крцкав равиоли, аранчина, блини со кавијар и свинско месо во повеќе текстури. Заедно со тоа доаѓаат и внимателно избрани коктели, шампањци и вина, со можност за персонализирано комбинирање.
Во описот на барот стои и реченицата: „Ова не е вечера. Ова е театар“ – што покажува дека искуството не се заснова само на пијалаците, туку и на атмосферата, услугата и интеракцијата со гостите.
Новиот лидер на светската барска сцена
Во конкуренцијата беа и познати имиња како Handshake Speakeasy од Мексико Сити (2. место), Sips и Paradis од Барселона (3. и 4. место), додека петото место припадна на лондонскиот бар Tayēr + Elementary.
Во свет во кој барските концепти стануваат сѐ поамбициозни, Leone се истакнува со комбинацијата на едноставност, карактер и прецизно изработено мени, кое ги спојува храната и коктелите во заокружено искуство.
Извор: Index.hr
