Таквите недостатоци можат да го нарушат метаболизмот и хормоналната рамнотежа, што доведува до замор, зголемување на телесната тежина, проблеми со концентрација и промени во расположението.
Дури и при избалансирана исхрана, можно е да недостасуваат есенцијални хранливи материи кои се важни за енергија, функцијата на тироидната жлезда и рамнотежата на шеќерот во крвта.
Витамин Ц
Покрај тоа што го зајакнува имунитетот, овој витамин игра важна улога во процесите на согорување на мастите. Ниското ниво на витамин Ц може да го забави слабеењето. Го има во цитрусите, јагодите, пиперките, брокулата и прокељот.
Витамин Д
Важен е за апсорпција на калциум и фосфор, за имунитетот и за расположението. Истражувањата покажуваат дека витаминот Д може да помогне во регулирањето на апетитот и телесната тежина. Го има во сончевите зраци, масна риба (лосос, скуша), збогатено млеко и додатоци во исхраната.
Б-витамини
Овие витамини се клучни за метаболизмот на протеините, јаглехидратите и мастите и за претворање на храната во енергија. Нивниот недостаток води до замор и побавен метаболизам. Се наоѓаат во интегрални житарки, јајца, месо (особено џигер), јаткасти плодови, семки, мешунки и зелена лисната храна.
Влакна
Недоволниот внес на влакна може да предизвика нестабилен шеќер во крвта и постојано чувство на глад. Влакната се важни за варењето, енергетската рамнотежа и успешното слабеење.
Здрави масти
Иако често се гледаат негативно, здравите масти (како мононезаситените) можат да помогнат при слабеење – ве држат сити подолго, го намалуваат внесот на калории и го забрзуваат метаболизмот. Се наоѓаат во маслиново масло, авокадо, путер и јаткасти плодови – но треба да се внесуваат умерено.
Доволниот внес на овие клучни хранливи материи може значително да влијае на здравјето, енергијата и одржувањето на здрава телесна тежина кај жените над 40 години.
