Во вторник, Македонија ја очекува нагло заладување проследено со силен северен ветер кој повремено и локално ќе достигнува брзина до околу 70 километри на час.
Истовремено, од регионот на Џенова преку Јонското Море ќе пристигне нов длабок циклонски систем, кој ќе донесе обилни врнежи. Тие постепено, освен на повисоките населени места, ќе преминуваат во врнежи од снег и во повеќето градови, особено во западните и северните делови од земјата.
Во Скопската котлина се очекуваат послаби врнежи од дожд и снег, додека на околните планини и повисоки места во скопскиот регион ќе има пообилни снежни врнежи.
Значителен пад на температурите
На планините и во скијачките центри снежната покривка значително ќе се зголеми – за 20 сантиметри или повеќе, а можно е формирање и на мала снежна покривка во дел од градовите, особено во западна и северна Македонија.
Дневните температури во вторник ќе се движат во интервал од 1 до 9 степени, додека во вечерните и ноќните часови кон среда дополнително ќе опаднат.
Во Скопје максималната температура ќе достигне околу 6 степени, но во текот на ноќта ќе продолжи да опаѓа. Во главниот град и околината повремено ќе дува засилен северен ветер со брзина над 60 км/час.
Граѓаните се предупредуваат да бидат внимателни поради можни снежни наноси, намалена видливост и отежнат сообраќај во планинските и повисоките предели.
