Кометата А3 (Цучиншан-АТЛАС), која последен пат била видлива од Земјата кога неандерталците биле живи пред 80.000 години, може да се види со голо око од нашата планета.
Откриена во јануари 2023 година, таа е наречена „комета на векот“ поради нејзината светлина и видливост, соопшти Кралското астрономско друштво (РАС).
На јужната хемисфера луѓето веќе можеа да ја видат кометата А3, но сега може да се види и на северната хемисфера, велат од друштвото. Помеѓу 12 и 30 октомври, луѓето ќе можат да ја видат кометата со двоглед или дури и со голо око додека таа се движи најблиску до сонцето
Кометата ќе може да се набљудува до 30 октомври, веднаш по зајдисонцето на запад, а научниците не се сигурни колку силно таа ќе блесне на ноќното небо.
