Кејт Мидлтон и Принцот Вилијам постојано повторуваат дека сакаат нивните деца да растат како нивните врсници. Со новата одлука повторно покажуваат дека сакаат нивните деца да имаат што е можно понормално детство.
Имено, нивниот најстар син, принцот Џорџ, оваа сабота го слави својот десетти роденден. Во британското кралско семејство во тие години има и некои службени обврски кои треба да ги извршува секој член на семејството.
На пример, на десетгодишна возраст, децата на кралското семејство мора да прифатат одредени воени обврски, а со текот на времето и да служат воен рок.
На Џорџ, кој е втор во линијата за престолот, ќе му биде дозволено да ја избегне традицијата која трае повеќе од сто години. Неговиот татко, вујко, дедо, прабаба и прадедо служеле војска, но тој не мора да ја продолжи таа серија, пишува Дејли Мејл.
„Традицијата на приклучување на кралското семејство во вооружените сили, дури и на кратки периоди, дава клучен легитимитет на монархијата“, вели историчарот Доминик Сендбрук.
Тој додава дека „теоретски, ништо не го спречува Џорџ да продолжи со кариера како астронаут, на пример, ако тоа е она што тој го сака, а потоа да стане крал“.
„Правилата се поинакви сега и тој не мора нужно да ја следи формулата да оди во војска“, вели тој.
Кејт и Вилијам се решени да им овозможат на своите деца Шарлот, Џорџ и Луис што е можно понормално детство, кое вклучува слобода да ги следат своите интереси. Инаку, Принцот Вилијам беше во вооружените сили повеќе од седум години, а Хари дури служеше во Авганистан во воената зона.
Извор: Index.hr
