Во сабота на 28 септември во склоп на фестивалот Комшилоок кој ќе се одржи на улица Волт Дизни, во населбата Шуто Оризари, сите музичари и ентузијасти можат да го донесат својот инструмент и со Џијан Емин да бидат дел од најголемата џем сесија.
Џем сешн (jam session) е спонтано музицирање каде музичари се среќаваат и заеднички импровизираат, без однапред подготвени аранжмани
„Секој е добредојден да учествува и да се изрази преку музика – бидејќи оваа сесија е заедничка креација! Пријави се до Петоk. На 28. септември ќе ви претстави локални и меѓународни уметници, изведувачи и музичари кои ќе ги прикажат своите таленти и уникатни перспективи. Ова издание на фестивалот ќе биде прослава на креативноста, изразувањето и единството. Преку темата „Видливост”, инспирирана од бели ракавици носени од култниот лик на Мики Маус (Mickey Mouse), ко-креиран од авторот Волт Дизни (Walt Disney), имаме за цел да ја истакнеме заедницата која заслужува да биде видена и слушната. Мики Маус е антропорфен глушец креиран пред 96 години, кој најчесто носи црвени панталони, големи чевли и бели ракавици. Во анимацијата, односно во анимираните цртани филмови, белите ракавици се користеле за да ги направат движењата на ликовите поизразени и јасни. Нашиот фестивал го прифаќа овој симболизам – исто како што ракавиците ги оживеале анимираните ликови, ние се трудиме да ги истакнеме приказните и креативноста на заедница која живее на улицата Волт Дизни, осигурувајќи дека добиваат заслужено внимание. Донеси ја својата енергија на ул. Волт Дизни оваа сабота во 18:00 часот, порачуваат организаторите.
