Сценариото е на Деари, во соработка со Артин Селмани. Играат актерите: Африм Мучај, Адријана Матоши, Ледион Мулаку, Адем Карага, Бујар Ахмети и други. Филмот е на албански јазик, со македонски превод.
Настанот на филмот, како што соопшти Центарот за култура, се одвива во селото Слупкове, фиктивно село, каде темата на филмот се фокусира на феноменот на миграција, што предизвикало испразнување на селото од каде многу млади луѓе заминале од земјата.
„Сите го викаат Реџо“, посочуваат, го прикажува осамениот живот на еден работник, кој нема каде да побегне од работа, во едно село од каде што сите си заминале.
„Оваа комедија-драма не води на бурно патување низ урнебесните несреќи на селскиот херој. Реџо, занаетчија со златно срце, прифаќа чудни задачи за да го одржи местото во живот. Од поправање цевки што прокиснуваат до чување добиток, неговите авантуристички, смели или ризични подвизи внесуваат хаос и смеа во животите на ексцентричните жители на Слупково. Но, вистинската пресметка доаѓа кога Реџо ќе ги вкрсти патиштата со Мифтар, жедниот за моќ предизвикувачот на проблеми“, појаснува Центарот за култура.
Филмот е поддржан од Агенцијата за филм на Македонија, а продуцент е професорот на Интернационалниот универзитет ЕУРОПА ПРИМА – Сашо Павловски.
