Три од четири мали деца во Европа поминуваат премногу време пред екраните и не го исполнуваат препорачаниот број на чекори за дневно движење. Според меѓународните стандарди, децата под 5 години треба да имаат три часа дневно физичка активност, вклучувајќи најмалку еден час интензивно вежбање, како и максимум еден час време пред екранот и 10 до 13 часа сон.
Но, во 33 земји на глобално ниво, само 14,3 отсто од три и четиригодишните деца ги исполнуваат сите тие стандарди, според студијата објавена во JAMA Pediatrics, која опфатила околу 7.000 деца.
Додека 81 отсто од децата ги исполнуваат препораките за спиење, само 41,8 отсто ги исполнуваат препораките за поминато време пред екраните, а 49,2 отсто имаат доволно физичка активност.
Со оглед на тоа што раното детство е „критичен прозорец на можности“ за воспоставување здрави навики, наодите имаат сериозни импликации за „долгорочното здравје и благосостојба“ на луѓето ширум светот, според истражувачите предводени од Универзитетот во Волонгонг во Австралија.
„Навистина е важно да го разгледаме степенот до кој децата ги исполнуваат овие упатства низ различни земји“, рече д-р Сара Роуз, развоен психолог и вонреден професор на Универзитетот во Стафордшир во Обединетото Кралство, за Euronews Health. Таа не беше вклучена во новата студија.
„Овие докази се тоа што ни беше потребно за да направиме некаква промена за децата“.
Ситуацијата е малку подобри во Африка и Европа, каде што околу четвртина од децата (23,9 и 23,5 проценти, соодветно) ги исполнуваат сите три одредници.
Половина од европските деца (50 отсто) имаат имаат ограничувања на времето поминато пред екраните, додека 53,5 отсто од децата доволно вежбаат, а речиси сите (94,7 отсто) спијат доволно.
Имено, европските девојчиња се поверојатно од момчињата да ги исполнат ограничувањата за поминато време пред екраните, но помала е веројатноста да вежбаат доволно, покажа студијата.
На регионално ниво, Северна и Јужна Америка имаат и најдобри и најлоши навики. Додека две од три деца имаат доволно физичка активност – повисока од кој било друг регион – децата таму, исто така, поминуваат најмногу време пред екраните, бидејќи само само 17 отсто ги почитуваат препораките.
„Понекогаш луѓето претпоставуваат дека ако детето поминува многу време пред екранот, тоа нема доволно физичка активност, додека всушност овие податоци претставуваат поизразена слика од тоа“, рече Роуз.
Веројатно е дека трендовите во физичката активност и времето поминато пред екранот почнуваат уште порано во животот, имајќи предвид дека претходните истражувања покажуваат дека само четвртина од децата на возраст под 2 години ги исполнуваат препораките за време пред екранот.
Премногу време пред екранот е поврзано и со здравствени проблеми. Колку повеќе време децата на една година поминуваат пред екраните, толку е поголема веројатноста да имаат доцнење во развојот кога имаат 2 и 4 години – иако сè уште не е докажано дека времето пред екранот всушност ги предизвикува проблемите.
Неколку европски држави се залагаат за ограничување на времето кое децата го поминуваат пред екраните. Во септември, шведската агенција за јавно здравје препорача да се забранат мобилните телефони за деца под 2 години, по слични упатства во Ирска за бебиња до 18 месеци.
Во меѓувреме, француската влада вели дека децата под 3 години не треба да поминуваат време пред екранот и дека до 6 години тоа треба да биде „силно ограничено“.
Други земји, како што е Кина, отидоа уште подалеку со ограничување, на пример, на онлајн игрите што се насочени кон младите луѓе.
Сепак, забраните можеби не се секогаш реални, со оглед на тоа што дигиталната технологија е насекаде во секојдневниот живот, според истражувачите од Универзитетот Лунд во Шведска.
По проучувањето на дневните дигитални навики на малите деца, тие заклучија дека е „речиси невозможно“ да се држат малите деца подалеку од екраните и дека пристапот со нулта толеранција може едноставно да ги натера родителите да се чувствуваат загрижени или засрамени за користењето од тоа, наместо да помогнат во реално намалување на поминатото време пред екраните.
Роуз, исто така, вели дека упатствата за времето поминато пред екранот може да бидат премногу поедноставени, со оглед на тоа што тие обично не го земаат предвид квалитетот на она што децата го гледаат на нивните уреди.
„Времето пред екранот може да биде толкав опсег на различни активности, а тие активности може да имаат различни вредности за децата кои се ангажирани со нив“, рече Роуз, на пример, видео-повици со баба и дедо или гледање едукативна телевизија.
„Мислам дека она што родителите навистина би го вреднувале е поддршка за тоа како да се користи времето пред екранот на здрав начин со своите деца“, рече Роуз.
Извор: Euro News
