Прекин на вода во Карпош
Од ЈП „Водовод и канализација“ информираат дека поради изведување водоводен приклучок со пречник од 80 милиметри на улицата Ристо Равановски бр. 8, без водоснабдување ќе останат корисниците на истата улица.
Прекинот ќе трае од 09:00 часот, па сè до завршување на интервенцијата.
Исклучувања на струја во Чаир
ЕВН Македонија најавува дека во периодот од 08:00 до 16:00 часот без електрична енергија ќе останат:
- корисниците на улиците бр. 90, 131 и 191,
- станбените објекти и деловните простории во околината на улицата 26 Јули,
- хотелите Хамбург и Аен,
- Казино Сенатор и адвокатското друштво Калач.
Исклучувања на струја во Студеничани
Во периодот од 09:00 до 16:00 часот, струја ќе немаат и корисниците во:
- селата Драчевица, Цветово и Алдинци,
- викенд-населбите Вили Китка,
- Мала Река, Принцес, Караџица и Солунска Глава.
Надлежните апелираат граѓаните навреме да ги прилагодат своите активности на најавените прекини и уверуваат дека работните екипи ќе работат на што побрзо нормализирање на снабдувањето.
