Жителите на повеќе делови од Скопје утре ќе се соочат со привремени прекини на електричната енергија поради планирани технички зафати во дистрибутивната мрежа.
Од ЕВН Македонија информираат дека исклучувањата ќе започнат во утринските часови и на одредени локации ќе траат до попладне.
Во општините Гази Баба и Илинден, струја нема да има од 07:30 до 15:30 часот. Прекинот ќе опфати делови од улицата „Жан Жорес“, индустриски објекти и делови од населбата Хиподром.
Во општина Центар е најавен подолг прекин – од 09:00 до 17:00 часот, во делови околу улицата „Костурски Херои“, булеварот „Митрополит Теодосиј Гологанов“ и улицата „Св. Кирил и Методиј“.
Во Карпош и населбата Момин Поток, прекините ќе траат од 08:15 до 14:00 часот.
Во Драчево, пак, исклучувањето ќе биде пократко – од 09:00 до 12:00 часот.
Надлежните апелираат граѓаните навреме да се подготват, особено доколку имаат обврски што зависат од електрична енергија.
