Секоја година, Факултетот за драмски уметности со гордост ја организира традиционалната предновогодишна забава – настан кој ги обединува студентите и сите посетители на Академска сцена во духот на празнична магија.
Предновогодишните забави не се само повод за славење и релаксација, туку и симбол на заедништвото кој го негуваме на нашиот факултет. Покрај другите големи настани на Академска сцена, овој настан е омилен за сите кои го делат заедничкиот свет на драмските уметности, создавајќи спомени кои остануваат врежани за сите.
Годинава, забавата ветува уште еден спектакл кој ќе ја одбележи празничната атмосфера.
Исто како и секоја година, забавата ќе се одржи на 27 декември со почеток во 22:30 часот, во просториите на бифето на ФДУ.
Вечерта ветува незаборавна атмосфера, одлична музика и многу забава, а за музичкиот дел ќе се погрижи Ди-Џеј Јанкопетелјаваше, кој ќе се погрижи сите да бидат на нозе цела вечер!
Се надеваме дека сите, посетители на Академска сцена, од сегашни до поранешни студенти и сите останати, ќе ни се придружат за да ја завршиме годината со радост, уметност и инспирација!
Menu
