Хародс, една од најмодерните стоковни куќи во светот, веќе 175 години ги мами купувачите и туристите во ексклузивниот кварт на Лондон, Најтсбриџ. Сега, секој што има околу 80 фунти за трошење на овошје може да земе дома праски од Фукушима, пренесува CBS News.
Но, таа не толку мала сума ќе ви донесе само три совршено обликувани, како што велат, ултра слатки плодови.
Хародс веклат дека се горди што ги добиваат и продаваат најдобрите производи од целиот свет и укажуваат на добро заработената репутација на Јапонија за одлична свежа храна, особено овошје, каде што производите внимателно се негуваат и созреваат доволно за да се развие целосен вкус.
Јапонија, инаку, долго време е глобален снабдувач на фина и невообичаено скапа храна.
Веб-страницата потсетува на коцкички лубеници и јапонскиот фармер кој е заслужен за размислување „надвор од кутијата“ и кој одгледал лубеница – во кутија.
Исто така, продажбата на туна по непристојно високи цени често беше на насловните страници на светските медиуми, а рестораните и трговците се натпреваруваа за најценети примероци.
Фукушима беше позната по своите плодови – сè до катастрофата што се случи на 11 март 2011 година, кога во силен земјотрес загинаа околу 18.000 луѓе и предизвика цунами долж брегот на регионот, поплавувајќи ги реакторите во нуклеарната централа. Тоа предизвика катастрофа од пошироки размери, загадувајќи огромна област и резултирајќи со раселување на повеќе од 160.000 жители.
За земјоделците од регионот, кои видоа дека нивната речиси натчовечка репутација е оцрнета во еден момент, од страв од труење со радијација, тоа беше катастрофа од која требаше повеќе од една деценија да се опорават.
И ништо не кажува подобро враќање на светските полици од распродажбата во Хародс.
Продавницата рече дека праските од Фукушима се достојни за „премиум луксузен бренд“ поради „нивната совршена сладост“.
За производите на Фукушима да бидат добредојдени во луксузниот дел на Хародс е огромен позитивен публицитет за земјоделскиот сектор во тој дел од Јапонија.
Идејата за вакво нешто е предизвикана, според Телеграф, за време на фестивалот на јапонската храна во Велика Британија каде праските од Фукушима се покажаа исклучително популарни.
TEPCO, електроенергетската компанија која е сопственик на централата Фукушима Даичи и го чисти огромниот хаос што го остави зад себе катастрофата, им обезбеди на земјоделците во регионот компензација за нивниот изгубен приход по катастрофата и стои зад новиот обид за пласман на праските.
Повеќето земји и региони кои воведоа ограничувања за увозот на јапонска храна по нуклеарната катастрофа, оттогаш ги укинаа тие мерки, вклучително и САД и Велика Британија.
Извор: Н1
