„Пожарот се шири и немаме контрола. Спасуваме куќа по куќа,“ изјави за Хина командантот на ДПД Омиш, Вишеслав Пешиќ. Тој предупреди дека огнот се движи кон Писак и Омиш и дека „сè е загрозено“.
На терен се мобилизирани сите доброволни и јавни противпожарни единици од Сплитско-далматинската жупанија. Противпожарните екипи се соочуваат со исклучително тешки услови – густо растење и силен ветер кој ја разнесува огнената стихија кон населените места.
Сомневање за намерно подметнати пожари
Мештаните велат дека пожарот се приближува до куќите и дека неколку возила веќе се изгорени. Дополнителна загриженост предизвикуваат тврдењата дека можеби станува збор за подметнати пожари.
„Луѓето раскажуваат дека изминативе денови низ местото се гледа човек на мотор кој подметнува пожар,“ изјави за порталот Index.hr еден жител.
Куќите се опкружени со борови шуми, што ѝ овозможува на огнената стихија да се шири брзо и неконтролирано.
За среќа, засега нема информации за повредени лица, но ситуацијата е сериозна и се менува од минута во минута. Пожарникарите даваат натчовечки напори да ги заштитат населените места, а жителите самите се обидуваат да ги спасат своите домови.
