Номинациите за престижната награда Оскар повторно се одложени поради пожарите кои веќе неколку дена беснеат во Лос Анџелес. Како што денес соопшти Академијата за филмски уметности и науки, номинациите ќе се одржат на 23 јануари.
„Сите сме загрижени од влијанието на пожарите и загубите што ги претрпеа многумина во нашата заедница. Академијата секогаш била обединувачка сила во филмската индустрија и посветени сме на тоа да стоиме заедно пред тешкотиите,“ изјавија извршниот директор на Академијата Бил Крамер и претседателката на Академијата Џенет Јанг, пишува The Hollywood Reporter.
