Лиам Галагер одговори на гласините за можното повторно обединување на Оасис за два големи концерти во Лондон и Манчестер следната година. Според информациите на „The Times“, се зголемуваат шпекулациите дека браќата Галагер ќе се обединат како Оасис за првпат од нивниот последен настап на В Фестивалот во Стафорд во 2009 година.
Медиумите шпекулираат дека бритпоп легендите можеби планираат серија концерти во нивниот роден град Манчестер и во Лондон летото 2025 година, со можни локации како што се Хитон Парк и Вембли Стадион.
Една особено возбудлива гласина тврди дека Вембли е резервиран за неверојатни 10 ноќи за Оасис. Ако ова е точно, тоа би го срушило сегашниот рекорд за најмногу настапи на оваа локација, кој го држи Тејлор Свифт со осум настапи.
Исто така, се зборува дека Оасис би можеле да бидат главни изведувачи на следното издание на фестивалот Гластонбери, што би бил соодветен повраток 30 години по објавувањето на нивниот легендарен албум од 1995 година, ‘(What’s the Story) Morning Glory?’
Лиам ги засили овие гласини со одговорите на фановите на социјалните мрежи. Кога еден корисник го критикуваше Хитон Парк како концертна локација, Лиам одговори: „Ќе те видам напред во првите редови.”
Гласините за обединување добиваат се повеќе сила, особено откако Лиам навести „интересна ситуација“ за време на неговиот неодамнешен настап на Лидс Фестивалот.
Овие навестувања доаѓаат додека Лиам го прославува 30-годишниот јубилеј од деби албумот на Оасис, ‘Definitely Maybe,’ и по неодамнешното интервју на Ноел Галагер, во кое тој покажува поголема отвореност кон брат му.
Во интервјуто, Ноел се потсети на снимањето на песната ‘Supersonic,’ која првично ја пееше Лиам на нивниот албум од 1994 година. Тој забележа дека додека тој можел да ја испее добро, верзијата на Лиам ја направила „одлична“ .
Возбудата расте, и фановите со нетрпение чекаат да видат дали Оасис навистина ќе се обединат за овие наводни настани.
Извор: NME
