Папата Франциск утринава при пад во резиденцијата на Света Марта ја повредил десната подлактица, но не ја скршил“, се наведува во соопштението од Ватикан
„Раката е имобилизирана како мерка на претпазливост“, се вели во соопштението.
И покрај падот, Папата Франциск денеска одржал неколку работни состаноци.
Инаку, Папата претрпе голем број здравствени проблеми во последните години и ова е втор пад за неколку недели. На почетокот на декември тој се појави со голема модринка на брадата откако падна и удри во маса покрај креветот. Од 2022 година Папата користи инвалидска количка поради проблеми со подвижноста предизвикани од болка во коленото.
Во својата неодамна објавена автобиографија „Надеж“, Франциск рече дека е во добра здравствена состојба и ја отфрли можноста да поднесе оставка од својата позиција, но рече дека „реалноста е, сосема едноставна, дека сум стар“.
