Се повикуваат академските ликовни уметници од Куманово, до 15 октомври 2024 година во Уметничката галерија при НУ Музеј – Куманово, да се пријават за учество на изложбата “ Кумановски ликовни уметници 2024“.
По повод 11 Ноември – Денот на ослободување на град Куманово, НУ Музеј-Куманово (Уметничката галерија) и оваа година традиционално ќе ги претстави кумановските ликовни уметници.
Секој учесник на изложбата потребно е да пријави едно ликовно дело (1), по можност неизложувано, од неговата најнова продукција. Со делото треба да бидат приложени податоци од авторот ( биографија ), насловот и димензиите. Изложбата ќе се реализира на 10 ноември годинава, при што ќе биде испечатен и каталог. Во текот на месец декември делата ќе бидат вратени на авторите.
Изложбата е дел од програмските активност на НУ Музеј – Куманово, финансиски поддржана од Министерството за култура и туризам и Градоначалникот и Советот на Општина Куманово, а во организација на Уметничката галерија.
