Припаѓаш на генерацијата што не молчи? Те нервираат оние што сè завршуваат со „врски“? Не си како нив? Твојот глас и твојата уметност имаат моќ да влијаат.
Проектот „Лице в лице со интегритетот“, во соработка со Транспаренси Интернешнл – Македонија, ги повикува младите уметници до 29 години да создадат визуелни дела кои:
- го прикажуваат влијанието на корупцијата врз секојдневието;
- ја разоткриваат врската помеѓу политичката моќ и одговорноста;
- мотивираат граѓани, особено млади, жени и малцинства, да бараат транспарентност и отчетност;
- претвораат комплексната тема на политички интегритет во визуелна порака разбирлива за сите.
Делата можат да бидат: илустрации, постери, дизајни, дигитални колажи, дигитална графика или друг креативен дигитален медиум во формат А3. Сакаме храбри, провокативни и инклузивни креации кои ја предизвикуваат моќта и инспирираат на акција.
Зошто да се пријавиш?
- Твоето дело може да стане дел од јавна групна изложба;
- Ќе придонесеш твојот глас да стигне до граѓани, медиуми и институции;
- Можност за награди:
Прво место – 200 €
Второ место – 100 €
Трето место – 50 €
Критериуми за избор: креативност и оригиналност, комуникациска сила на пораката, визуелен квалитет и инклузивен пристап (30/30/20/20 поени).
Како да се пријавиш:
Испрати е-маил на licevlice@public.org.mk со:
- Делото во висока резолуција (JPG/PNG, минимум 300 dpi, 50 x 70 cm);
- Краток опис до 200 зборови за идејата и пораката;
- Контакт информации (име, возраст, град, телефон и е-пошта).
Рок за пријавување: 15.12.2025
Твојата уметност може да стане глас на цела генерација. Осмели се. Инспирирај. Промени.
